[caption id="attachment_16541" align="alignnone" width="960"]
धरानस्थित दन्तकाली मन्दीरमा नेपाली सेनाको काली बक्स गण फ्रुश्रे फुलपाती भित्राउने क्रममा सलामी दिदै । तस्विर सौजन्यः वमबहादुर कार्की[/caption]
धरान / धरानलगायत ग्रामीण तथा शहरी क्षेत्रमा धार्मिक विधिअनुसार शनिबार फूलपाती भित्र्याइएको छ । बिहान नेपाली सेना काली बक्स गण, सशस्त्र प्रहरी र नेपाल प्रहरीले बाजागाजासहित धरानको दन्तकाली मन्दिरमा सलामी दिँदै पुजाआजा गर्दै फूलपाती भित्राईएको थियो ।
त्यस्तै यहाँको विभिन्न स्थानमा देवी दुर्गा स्थापना गरिएको स्थलमा समेत हर्षोल्लासपूर्वक फुलपाती भित्र्याइएको हो ।
यहाँका शक्तिपीठ तथा दुर्गा मन्दिरहरुमा बिहानैदेखि श्रद्धालु भक्तजनहरुको लाम लागेको छ । उनीहरु बिहानैदेखि धार्मिक विधिअनुसार पुजाआजा सुरु गरेका छन् ।
रौतहटको धरहरीस्थित दुर्गा माई मन्दिरमा ठूलो मेला लागेको छ । यहाँ पुजाआजा गर्न विभिन्न गाउँबाट भक्तजनहरु आएका छन् । त्यस्तै मुडवलवास्थित राजदेवी मन्दिर, सरमुजवास्थित कंकालीमाई मन्दिर, गुजरामाई मन्दिर, चोचास्थित कालीमाई मन्दिर, चन्द्रपुरस्थित घोडहीदेवी मन्दिर, मर्जादपुरस्थित पतोहिया माई, सखुअवास्थित फुलमतमाई लगायत शक्तिपिठहरमा ठूलो मेला लागेको छ ।
त्यस्तै, यहाँका अधिकांश घरपरिवारमा महिला तथा पुरुष नवरात्री व्रत बसेका छन् । उनीहरु निराहार व्रत बसेका हुन् । घटस्थापनादेखि विजयादशमीसम्म उनीहरु यसरी नै निराहार ब्रत बस्छन् ।
खासगरी मधेसी समुदायका मानिस पुजाआजा गरेरै दसैं मनाउने परम्परा चली आएको गौरका रामनिवास यादवले बताए । यो अवधीभर रुद्रीपाठ गर्ने परम्परा रही आएको उनले बताए ।
घटस्थापनादेखि नै जिल्लाको विभिन्न स्थानमा रहेका शक्तिपीठहरुमा पुजाआजा सुरु गरिएको स्थानीयले बताएका छन् । यी शक्तिपीठहरुमा दिनहुँ बिहानैदेखि पुजाआजा गर्नेहरुको लाम लाग्ने गरेको छ ।
अहिले गौर नगरपालिकामै ११ स्थानभन्दा बढी स्थानमा दुर्गा मण्डप निर्माण गरेर मा
टोको देवी देवताको मूर्ति राखेर पुजाआजा सुरु गरिएको छ । त्यस्तै चन्द्रनिगाहपुर, गरुडा, हजमिनिया, बंकुल, कटहरिया
लगायत स्थानमा मूर्ति राखेर पुजाआजा सुरु गरिएको स्थानीयले बताए ।
