काठमाडौं / एसएलसी परीक्षा हटेपछि यो वर्षदेखि माध्यमिक शिक्षा परीक्षा हुँदैछ । आगामीे चैत ३ गते बिहीबारदेखि हुने परीक्षाको तालिका सार्वजनिक गरिएको छ । सरकारले शिक्षा ऐनको आठौं संशोधन गरेपछि १० कक्षामा माध्यमिक शिक्षा परीक्षा हुन लागेको हो ।
राष्ट्रिय परीक्षा बोर्डका प्रदेश कार्यालय सञ्चालनमा नआउँदासम्म कक्षा १० को परीक्षा अहिलेको परीक्षा नियन्त्रण कार्यालयले नै सञ्चालन गर्नेछ । परीक्षा नियन्त्रण कार्यालय सानोठिमीले चैत ३ देखि १४ गतेसम्म परीक्षा लिने भएको हो ।
परीक्षा बिहान ८ बजेदेखि ११ बजेसम्म हुनेछ ।
