काठमाडौं/ आगामी फागुन २ गतेबाट नेपाल प्रहरीको नेतृत्व परिवर्तन हुने भएपछि नयाँ नेतृत्वमा कसलाई ल्याउने भन्ने विषयमा नेपाली काँग्रेसभित्र तीव्र विवाद भएको छ ।congress

प्रधानमन्त्री पुष्पकमल दाहाल प्रचण्डले सरकारले कुनै पनि निर्णय गर्दा आफू विवादमा नपर्ने जानकारी सत्ता साझेदार दल नेपाली कांग्रेसका शीर्ष नेताहरुलाई गराएको भएपनि कांग्रेसभित्र भने नयाँ प्रहरी प्रमुख बनाउने विषयमा विवादले उग्र रुप लिएको छ । कांग्रेसमा प्रभावशाली मन्त्री रमेश लेखक, सांसद कर्ण मल्ल र सुदूरपश्चिमका कांग्रेस नेताहरुले आफ्नो अनुकुल डीआईजी जयबहादुर चन्दलाई जुनसुकै हालतमा प्रहरी प्रमुख बनाउनुपर्ने लबिङ गरेपछि विवादले उग्र रुप लिएको हो ।