काठमाडौँ/ प्र
धानमन्त्री पुष्पकमल दाहाल ‘प्रचण्ड’ले आर्थिक विकासमा सन्तुलन मिलाउन महत्वपूर्ण भूमिका निर्वाह गरेको सेवा क्षेत्रलाई ग्रामीण क्षेत्रमा विस्तार गर्नुपर्ने बताएका छन्।
नेपाल व्यवस्थापन सङ्घ(म्यान)को आजको ३६ औँ वार्षिक साधारणसभा तथा अधिवेशनमा उनले पश्चिमा मुलुकमा आर्थिक विकास व्यवस्थापनले महत्वपूर्ण योगदान पु¥याएको र विकासोन्मुख मुलुकमा व्यवस्थापनलाई फरक तरिकाले हेर्नुपर्ने विचार व्यक्त गरे । प्रधानमन्त्रीले भने, “विकासबद्ध प्रणालीमा आधारित अवधारणाले हाम्रा जस्ता मुलुकमा जस्ताको तस्तै लागू गर्न असम्भव हुने यथार्थप्रति हाम्रो ध्यान जान जरुरी छ । उनले निजी क्षेत्रको कार्य कुशलतालाई सरकारी क्षेत्रमा कार्यान्वयन ल्याई पैसाको मूल्य प्राप्तिको दिशामा बढ्नुपर्नेमा जोड दिँदै मुलुकको सामाजिक गतिशीलताका लागि म्यानले उचित ध्यान पु¥याउनुपर्ने बताए । कार्यक्रममा एनएमबी बैंकका कार्यकारी अधिकृत उपेन्द्र पौडेललाई ‘मेनेजर अफ दिन एयर २०१६’, नेपाल स्टक एक्सचेन्ज (नेप्से)का महाप्रबन्धक सीताराम थपलियालाई ‘मेनेजमेन्ट रिकग्नाइजेसन अवार्ड २०१६’ र भिबोर सोसाइटी विकास बैंकका प्रमुख कार्यकारी अधिकृत झलकप्रसाद खनाललाई ‘मेनेजर अफ दि वाच २०१६’ बाट सम्मान गरिएको थियो । कार्यक्रममा म्यानका तर्फबाट राष्ट्रिय योजना अयोागका पूर्वउपाध्यक्ष दीपेन्द्रबहादुर क्षेत्रीले आर्थिक समृद्धिका लागि व्यवस्थापन विषयमा प्रस्तुत गर्नुभएको कार्यपत्रमा छलफल गरिएको थियो । म्यानका प्रथम अध्यक्ष सुशील भट्टले मुलुकलाई आर्थिक समृद्धिको बाटामा लैजानका लागि म्यानले निरन्तर प्रयास गरिरहेको बताए । सङ्घको सो अधिवेशनले नयाँ कार्यसमिति निर्वाचित गर्ने बताइएको छ ।
रासस
