वरुण धावन र आलिया भट्टको फिल्म ‘हम्टी शर्माकी दुल्हनीया’ सुपरहिट रहेको थियो । अब यो जोडी पुनः फिल्म ‘बद्रीनाथ की दुल्हनिया’ मा पनि देखिँदैछ । यस फिल्म रिलिज हुन केही समय अझै बाँकी छ । बक्स अफिसमा सफल हुने वा नहुने कुरा अझै तय भइसकेको छैन । तर, ‘बद्रीनाथ की दुल्हनिया’ ट्रेलर रिलिज भएपछि करण जोहरले ‘दुल्हनीया’ को तीनवटा नाम मिश्रित फिल्म बनाउने योजना रहेको बताएका थिए ।
उनले यस फिल्मको फ्रान्चाइज बनाउने योजना पहिला देखिनै रहेको बताएका थिए । तेस्रो फिल्मको नाम भने हालसम्म फाइनल भएको छैन । तर, फिल्ममा भने गुजरातको पृष्ठभुमि दर्शाइने बताइएको छ ।
सन् २०१३ आएको फिल्म ‘हम्टी शर्माकी दुल्हनीया’ पंजावमा रहेको लभस्टोरीमा आधारित रहेको थियो । ‘बद्रीनाथ की दुल्हनिया’ यसको फ्रान्चाइज रहेको छ । यो फिल्म मार्च १० मा रिलिज हुनेछ ।
