काठमाडौं / गायक दीपक लिम्बूले पाँचौ एल्बमको रुपमा ‘श्रेय’ सार्वजनिक गरेका छन् । प्रथम नेपाली तारा समेत रहेका दीपकले शुक्रबार साँझ एक कार्यक्रमबीच ‘श्रेय’ सार्वजनिक गरेका हुन् । 
आधुनिक तथा पाश्र्वगायन मार्फत चर्चामा रहेका दीपकको ‘श्रेय’ एल्बम पत्रकारलाई खादा ओढाएर सम्मान गर्दै सार्वजनिक गरियो ।
लोकार्पण गर्ने काम भने दीपक र एल्बमका गीतकार तथा संगीकार उत्तमजंग लिम्बू आफैले गरे ।
दीपकले ‘किन जाली माया’ बोलको एउटा गीत कार्यक्रममा गाएर सुनाए ।
गायक समेत रहेका उत्तमजंगको एकल शब्द तथा संगीत रहेको एल्बममा किन जाली माया, के सम्झ्यौ, घुम्टो उघारी तिम्रो, हाम्रो चिनजान र म रंग हुँ बोलका पाँच गीत रहेका छन् ।
युवापुस्तामाझ लोकप्रिय रहेको गायक दीपकको एल्बममा एकल शब्द तथा संगीत गर्न पाउँदा खुसी लागेको उत्तमजंगले बताए ।
