धरान/म्युजिक एरेञ्जर तथा गायक राइमन राईको एकल सोलो एल्बम् ‘मनन्’ बजारमा आउँदै छ । यही साता बजारमा ल्याउने तयारीमा लागेका राईको एल्बम्मा ६ वटा गीतहरु समावेश छन् ।
यसअघि दुईवटा मिक्स एल्बम् बजारमा ल्याइसकेका राइमनको धेरै पछि सोलो एल्बम् बजारमा ल्याउन लागेका हुन् । उनले यो एल्बम् बजारमा ल्याउनको लागि अहिले दिनरात मेहनत गरिरहेका छन् । उनी भन्छन्, ‘यो १० देखि १५ दिनभित्र विमोचन गर्ने तयारीमा लागेको छु ।’
एल्बम्मा अधिकांश संगीत पनि उनकै छ । सागरबीच बोलको गीतमा मात्रै जीवन राईले संगीत भरेका छन् । जसमा कमान सिंहको शब्द रहेको छ । पहिलो गीत ‘माथि’ मा उनकै शब्द संगीत रहेको छ । कति टिप्छौं बोलको गीतमा शब्द वीरेन राईको छ भने संगीत उनकै छ । त्यस्तै ध्वजेको शीरबाट बोलको गीतमा पत्रकार राजेश विद्रोहीको शब्द रहेको छ । त्यस्तै म तिमीसँग बोलको गीतमा शब्द संगीत उनकै छ ।
त्यस्तै आँखामा मलाई सजाउ बोलको गीतमा शब्द राजेश दावछाको छ भने संगीत उनकै छ । ५ सय सिडी बजारमा ल्याउने तयारीमा रहेका उनी पेशाले शिक्षकसमेत हुन् । धरान निवासी उनले संगीतको क्षेत्रमा दुईदशकदेखि लागिपरेका छन् ।
