बझाङ/बझाङ जिल्लालाई खुला दिशामुक्त क्षेत्र घोषणा गरिसकिएको छ । तर महिनावारी भएका महिलाले शौचालय प्रयोग नगर्दा यसको कार्यान्वयनमा समस्या भएको छ ।
क्षेत्रीय खानेपानी तथा सरसफाई स्वच्छता समन्वय समितिले नमुना छनौटको आधारमा तत्कालिन १० गाविसमा गरेको अनुगमनमा १२ प्रतिशत महिलाले महिनावारी हुँदा शौचालय प्रयोग नगर्ने गरेको पाइएको थियो । यो समस्या अहिलेका १० गाँउपालिका र दुई नगरपालिका भित्रै पनि रहेको छ ।
महिनावारी भएको बेला ५ दिनसम्म शौचालय प्रयोग नगर्ने महिलाको संख्या धेरै नै रहेको महिला अधिकाकर्मी जयन्ती जोशीले बताए ।
१० गाउँपालिका र दुई नगरपालीका क्षेत्र भित्र सम्पूर्ण घर र संस्थाहरुमा शौचालय निमार्ण भएपछि जिल्ला विकास समिति बझाङले २०७२ पुस १६ गते खुला दिशा मुक्त जिल्ला घोषणा गरेको थियो ।
