रुकुम / रुकुमको पश्चिम आठविसकोट नगरपालिकाको छेपारेबाट चिसापानी जाँदै गरेको जीप ठूली भेरी नदीमा खस्दा तीन जनाको ज्यान गएको छ ।
दिउँसो भएको दुर्घटनामा चौरजहारी नगरपालिका वडा नं. ८ का १ वर्षका श्रीजन बुढा, जाजरकोट सक्लाका २८ वर्षका कुमवहादुर बस्नेत र सोही गाउँका १२ वर्षका धनराज वलीको ज्यान गएको जिल्ला प्रहरी कार्यालयले रुकुमले जनाएको छ ।
ग १ ज २०६ नम्बरको जीप शुक्रबार दिउँसो सोही नगरपालिकाको पिपलचौर नजिकै भेरी नदीमा खसेको थियो । गाडीमा १८ जना यात्रु सवार रहेको बुझिएको छ ।
गाडी भेरीमा खसेपछी बाँकी यात्रुहरुले पौडिएर ज्यान जोगाएको स्थानीय बासिन्दाले बताएका छन् । गाडी चालक फरार रहेको जिल्ला प्रहरी कार्यालय जनाएको छ । घाइतेहरुलाई उपचारको लागि जिल्ला अस्पताल जाजरकोट तर्फ लगिएको छ ।
