धाधिङ/धादिङमा स्कुल बस दुर्घटना हुँदा ६ जनाको मृत्यु भएको छ भने केही घाइते भएका छन् । निलकण्ठ १० गोलाभन्ज्याङको भकारेमा ग १ ख ३४०५ नम्बरको स्कुल बस दुर्घटना हुँदा उक्त संख्यामा यात्रुहरुको मृत्यु भएको हो । स्कुल बसले यात्रु बोकेको थियो । बस सडकबाट ढेडसय मिटर तल खसेको थियो । घटनास्थल तर्फ नेपाल प्रहरी र सशस्त्र प्रहरीको टोली गएको जनाएको छ । हाल स्थानीयहरुले दुर्घटनामा घाइते भएकाहरुको उद्दार गरिरहेका छन् । हालसम्म १२ जना घाइतेको उद्दार गरिएको छ । सो रुटमा चल्ने गाडी बिग्रिएपछि स्कुल बसलाई यात्रु लिनको लागि बोलाइएको बताइएको छ ।