इटहरी/ इटहरीमा सम्पन्न वार्ड स्तरीय सुपर सिक्स क्रिकेट प्रतियोगिताको उपाधी इटहरी–५ ‘क’ ले जितेको छ ।
शुक्रबार र शनिबार सम्पन्न खेलमा इटहरीका १२ वार्डका क्रिकेट टीमको सहभागिता रहेको थियो । क्रिकेटको सबै भन्दा छोटो संस्करण सुपर सिक्स प्रतियोगितामा सहभागी टीमलाई पछि पार्दै वार्ड नम्वर ५ विजयी भएको हो ।
प्रतियोगितामा समुह क बा वार्ड नम्वर ६ र ख बाट वार्ड नम्वर ५ फाइनल चरणमा पुगेका थिए । डिभिएम ग्लोवल स्कुलको खेल मैदानमा सम्पन्न सो प्रतियोगितामा शनिबार वार्ड नम्वर ६ लाई दुई विकेटले पराजित गर्दै आयोजक समेत रहेको वार्ड नम्वर ५ उपाधी जितेको हो ।
विजेता टिमलाई सुनसरी जिल्ला खेलकुद विकास समितिका कार्यवाहक अध्यक्ष अनुरोध थापाले नगद ५ हजार रुपैयाँ सहित प्रमाण पत्र, ट्रफि प्रदान गरे । उप विजेताले नगद ३ हजार, प्रमाण पत्र र ट्रफि प्रदान गरियो ।
प्रतियोगिताको वेष्ट वलर वार्ड नम्वर ५ ‘ख’ का समिर तिम्सिना भए भने वेष्ट वलर र म्यान अफ द सिरिज विजेता टीमका मनिष दाहाल घोषित भएको क्रिकेट प्रशिक्षक सीपी पौडेलले जानकारी दिए ।
