धरान/आइएएएफ वल्र्ड च्याम्पियनसीप पुरुष प्रतियोगिता अन्तर्गत सय मिटर दौडमा छिटाे गतिमा दाैडने धावककाे रूपमा परिचित उसेन बोल्टलाई हराउँदै अमेरिकाका जष्टिन गटलिनले किर्तिमानी जीत दर्ता गराएका छन् ।
८ पटकसम्म आफ्नो रेकर्ड तोड्दै आएका उसेन च्याम्पियनसीपमा तेस्रो नम्बरमा आए । उनलाई जष्टिन र क्रिष्टियन कोलिमेनले हराउन सफल भए । जमैकाका ३५ वर्षीय उसेनको यो हारले उनलाई पहिलो पटक क्यारियरमा नराम्रो धक्का लागेको छ । उनले आफ्नै किर्तिमानीसमेत तोड्दै आएका थिए । तर, यो पटकको सय मिटरको दौडमा जष्टिनले ९ दशमलव ९२ सेकेण्डमा दुरी पूरा गरेका थिए । त्यस्तै अमेरिकाकै क्रिष्टियनले ९ दशमलव ९४ सेकेण्डमा लक्ष्य पूरा गर्दा बोल्टले ९ दशमलव ९५ सेकेण्डमा मात्रै दुरी पूरा गरेका थिए ।
बेलायतको राजधानी लण्डनमा शनिबार राति आयोजित च्याम्पियनसीपमा नराम्ररी पराजय भोगेका उनले जष्टिन पनि राम्रो धावक रहेको बताए ।
