धरान/अविरल वर्षाका कारण सप्तरी तथा झापाको विभिन्न स्थानमा ५० भन्दा बढी घरहरु डुवानमा परेका छन् । डुवानमा परेका घर परिवारलाई सुरक्षित स्थानमा सार्ने कार्य भइरहेको क्षेत्रीय प्रहरीले जानकारी दिएको छ । त्यस्तै झापाको शिवसताक्षी नगरपलिका–४ स्थित ओडारी चोकमा लगातारको वर्षाले २१ घर परिवारको बस्ती डुवानमा परेको छ । बनियानी खोला र कमल खोलाको बिचमा रहेको बस्तीमा सतार समुदायको २१–२२ घर परिवारको बसोबास रहेको थियो । इलाका प्रहरी कार्यालय शिवगंजबाट प्रहरीको टोली खटिगई सुरक्षित स्थानमा सार्ने कार्य भइरहेको जनाइएको छ ।