अरनिको साेह्र विद्यार्थीले पुलचोक इन्जिनिरिङ्गमा नाम निकाले

विराटनगर/विराटनगरमा रहेको अरनिको कलेजका १६ जना विद्यार्थीले काठमाण्डौंमा रहेको पुलचोक इन्जिनिरिङ्ग कलेजमा नाम निकाल्न सफल भएका छन् ।

पुलचोक कलेजले लिएको प्रवेश परीक्षामा यस कलेजका १६ जना विद्यार्थी नाम निकाल्न सफल भएका हुन् । कलेजका ९ जनाले पूर्ण छात्रवृत्ती र अन्यले आंशिक छात्रवृत्ती पाएको कलेजले जनाएको छ । कलेजका आयुष्मान् कार्कीले देशभरीको चौथो स्थानमा नाम निकाल्न सफल भए ।

त्यसैगरि पुलचोक इन्जिनिरिङ्ग कलेजमा नाम निकाल्नेहरुमा सागर निरौला, गोविन्द भट्टराई, अंकित खरेल, दिनेश गौतम, राजिब बराल, सोनुकुमार सिंह, राजिब लिम्बु, रंजित केसी, सरोजकुमार साह, उज्ज्वल पोखरेल, धिरज कुमार यादव, अनुपराज आचार्य, रोहित कुमार रोय, सृजन सुवेदी र मनिता दाहालले नाम निकालेको कलेज प्रमुख राजेश कार्कीले जानकारी दिए ।

यस कलेजबाट कक्षा १२ को विज्ञान संकायको परीक्षामा १ सय ६५ जनाले विशिष्ट श्रेणी र ४ सय ५० जनाले प्रथम श्रेणीमा उत्तीर्ण भएको कलेजले जनाएको छ । गुणस्तरीय शिक्षा प्रदान गर्दै आएको कलेजले प्रत्येक वर्ष उत्कृष्ट नतिजा प्रदान गर्दै आएको छ ।