धनकुटा/ जिल्ला फुटवल संघ धनकुटाको आयोजनामा धनकुटामा सञ्चालित जिल्ला लिग फुटवल प्रतियोगिता वुधवार सम्पन्न भएको छ ।वुधवार भएको प्रतियोगितामा वौद्धिक विकास समाज धनकुटा ६ र सेभेन युथ क्लव वीच भएको फाईनल खेलमा ०–२ गोलको अन्तरले सेभेन युथ क्लव विजयी भएको थियो ।
जीत सँगै उसले नगद १५ हजार पुरस्कार प्राप्त गरेको छ भने प्रतियोगिताको दोश्रो विजयी समूह वौद्धिक विकास समाजले नगद १० हजार नगद पुरस्कार हात पारेको छ ।प्रतियोगिताका विजयी दुवै टीमलाई जिल्ला फुटवल संघ धनकुटाका अध्यक्ष धिरेन्द्रलाल श्रेष्ठको अध्यक्षतामा सम्पन्न प्रतियोगिताको फाईनल खेलमा धनकुटा नगरपालिकाका मेयर एवं कार्यक्रमका प्रमुख अतिथि चिन्तन थिङ तामाङले पुरस्कार, ट्रफी नगद तथा प्रमाण पत्र वितरण गरेका थिए ।
यी दुई टीम मध्ये प्रतियोगिताको सेमिफाईनलमा देउराली युवा क्लव लाई हराउदै वौद्धिक विकास समाज फाईनलमा प्रवेश गरेको थियो भने जनचेतना सार्वजनिक पुस्तकालय हिलेलाई हराउदै सेभेन युथ क्लव फाईनलमा पुगेको थियो । प्रतियोगितामा धनकुटा जिल्ला फुटवल संघमा आवद्ध १३ टिमले सहभागीता जनाएका थिए ।
