दाङ / पानीमा डुबेर तुलसीपुरमा एक बालिकाको मृत्यु भएको छ । शौचालय प्रयोगका लागि राखिएको पानीको ड्रममा डुबेर तुलसीपुर उपमहानगरपालिका वडा न १८ बर्लेनी निवासी ओम बहादुर सुनारकी अढाई वर्षीया छोरी बिमला सुनारको मृत्यु भएको हो । चर्पीमा राखिएको पानीले भरिएको ड्रममा डुबेको अवस्थामा फेला परेकी विमलालाई स्वास्थ्य संस्थामा उपचारका लागि लिने तयारी भए पनि बाटोमै मृत्यु भएको इलाका प्रहरी कार्यालय तुलसीपुर दाङले जनाएको छ ।