सिंगिङ स्टारको उदयपुर र ओखलढुंगाको अडिसन पूरा

धरान/पूर्वाञ्चल सिंगिङ स्टारको ओखलढुंगा र उदयपुर अडिसन सम्पन्न भएको छ । अडिसनबाट २२ जना दोस्रो चरणको लागि प्रवेश पाएका छन् । उदयपुरबाट १० जना छनौट हुँदा ओखलढुंगाबाट १२ जना छनौट भएका थिए । जसमा युवा गायक जनक ताम्राकार र बरिष्ट गायिका धनु राईले निर्णायकको भूमिका निर्वाह गरेको कार्यक्रम संयोजक तथा आयोजक बगिना कलाकेन्द्र धरानका अध्यक्ष भक्तिराज राईले जानकारी दिए । पहिलो चरणको अन्तिम अडिसन धरानमा असोज ३१ गते हुँदै छ । पूर्वमा छुटेकाहरुको लागि धरानको अडिसन रहने संयोजक राईले जानकारी दिए । पाँचौं संस्करणमा चलिरहेको यो प्रतियोगिताको फाइनल माघको दोस्रो साता धरानको सभागृहमा हुँदै छ ।