मुम्बई/बाहुबली अभिनेता प्रभासको चलचित्र ‘साहो’ को फस्ट लुक उनको जन्मदिनको अवसर पारेर सार्वजनिक गरिएको छ ।
साहोको फस्ट लुकमा प्रभासलाई फरक र आकर्षक भूमिकामा देखाइएको छ । यतिबेला सामाजिक सञ्जालमा साहो फस्ट लुक ट्रेन्डिङ चलेको छ । एडभेन्चर फेन्टासी फिल्म ‘साहो’ मा बलिउडकी अर्की लोकप्रिय नायिका श्रद्धा कपूरले पनि अभिनय गरेकी छिन् । साथै फिल्ममा निनित मुकेश, ज्याकी श्राफ, चंकी पाण्डे लगायतका कलाकारको पनि अभिनय रहनेछ ।
फिल्मको ट्रेलर अझै रिलिज गरिएको छैन । फिल्म भने सन् २०१८ मा रिलिज हुनेछ ।
