मोरङ । मोरङको धनपालथान गाउँपालिका ६ स्थित कदमाहामा बुधबार अपरान्ह मलामी गएर फर्कीदै गएको पिकअप भेन दुर्घटना हुँदा ११ जना घाईते भएका छन्।
बिराटनगर रंगेली सडक खण्डमा रंगेलीबाट लोहन्द्रा खोलामा मलामी गई फर्कदै गरेको को १ च ८८४९ नम्बरको पिकअप भेन सडक साईडमा रहेको बिजुलीको खम्बामा ठोक्किएको थियो।
अपरान्ह साढे ४ बजे भएको उक्त दुर्घटनामा परी क्रियापुत्रीसहित ११ जना घाईते भएका हुन्।
घाईते सबैलाई उपचारकालागी निबेल अस्पताल बिराटनगर पठाईएको प्रहरी चौकी कर्सियाले जनाएको छ। पिकअपलाई प्रहरीको नियन्त्रणमा राखिएको छ भने चालक फरार रहेकोले खोजीकार्य भईरहेको छ।
