झापाको मेचीनगर नगरपालिका ६ स्थित मुलगेटबाट प्रहरीले शुक्रबार लागूऔषध खैरो हेरोईनसहित एक युवकलाई पक्राउ गरेको छ।
लागूऔषध नियन्त्रण ब्यूरो काँकडभिट्टा र इलाका प्रहरी कार्यालयबाट खटिएको प्रहरीको टोलीले धनकुटा छथर गाउँपालिका ५ बस्ने २६ बर्षिय मिङ्मा शेर्पालाई ५ ग्राम खैरो हेरोईनसहित पक्राउ गरेको हो।
अपरान्ह साढे ४ बजेको समयमा भारतबाट नेपालतर्फ आउँदै गरेको अबस्थामा शेर्पालाई शंकालागी चेकजाँच गर्ने क्रममा पेटीघरमा लुकाए ल्याउँदै गरेको अबस्थामा उक्त परिमाणको लागूऔषध फेलापारी बरामद गरेको हो।
शेर्पालाई इलाका प्रहरी कार्यालय काकडभिट्टामा राखी थप अनुसन्धान भईरहेको लागूऔषध नियन्त्रण ब्यूरो काँकडभिट्टाले जनाएको छ।
