ओखलढुंगा । ओखलढुंगाको चिशंखुगढी गाउँपालिका २ मा शुक्रबार दिउँसो आगलागी भएको छ।

दिउँसो साढे ३ बजे रत्न प्रसाद घिमिरेको घरमा अचानक आगलागी हुँदा फुसको छानो भएको २ तले घर लगायत घरभित्र रहेका सम्पूर्ण सर-सामान र १७ वटा कुखुरा जलेर नष्ट हुँदा अन्दाजी ५ लाख बराबरको क्षति भएको हो।

उक्त आगलागी प्रहरी र स्थानीय मानिसहरुको सहयोगमा पूर्ण रुपमा नियन्त्रणमा आएको प्रहरी चौकी खानिभन्ज्याङले जनाएको छ।