नयाँ सरकार गठन र त्यसकाे नेतृत्व केपी शर्मा अाेलीले गर्ने चर्चा चलिरहेका बेला राष्ट्रिय जनता पार्टी (राजपा) का प्रभावशाली नेता लक्ष्मणलाल कर्णले अब बन्ने नयाँ सरकारको चावी माओवादी केन्द्र अध्यक्ष प्रचण्डको हातमा रहेको दावी गरेका छन् ।
शनिबार रिपोर्टर्स क्लब नेपालको साक्षात्कारमा बोल्दै नेता कर्णले भने ‘सरकार गठनको लागि यतिवेला प्रचण्ड किङ्मेकर हुन्, उनले चाहे भने कांग्रेसलगायतका अन्य दलहरुको पनि सरकार बन्न सक्छ, अहिले नै भन्न सकिने अवस्था छैन् ।’एमाले–माओवादी केन्द्रबीचको वाम गठबन्धनमा एकिकृत पार्टीको अध्यक्ष र प्रधानमन्त्री को बन्ने भन्नेबारे अहिलेसम्म कुनै निश्चित नभएको उनले जिकिर गरे ।
उनले भने, ‘को के बन्ने भन्ने कुराको कुनै निश्चित छैन, यो कुरा गर्भमै छ ।’कर्णले आफूहरु पनि सरकारमै जानको लागि राजनीति गरिरहेको उल्लेख गर्दै भने, ‘मैले धेरै पहिल यही क्लबको मञ्चमा भनेको थिएँ । हामीले राजनीति गरेको कुनै साधु वा सन्त बन्नको लागि होईन, राजनीतिको मुल कोर्स भनेको नै सरकार हो नि ।’यद्धपी उनले आफूहरुको प्राथमिकता अहिले सरकारभन्दा पनि संविधान संशोधन र नेता तथा कार्यकर्ताहरुमाथि लगाईएका झुठा मुद्दा फिर्ता रहेको स्पष्ट पारे ।
नेता कर्णले भने, ‘हामी त अहिले पनि आन्दोलनमै छौं, यो निर्वाचनलाई पनि आन्दोलनकै रुपमा उपयोग गरेको हो, अब हाम्रो आन्दोलन संसदबाट सुरु हुन्छ, संसद बाहिरको आन्दोलन हामीले सोचेको छैन् ।’ उनले संविधान संशोधन र झुठा मुद्दा फिर्ताको पलह सुरु भए आफूहरु सरकारमा जान तयार रहेको विश्वास दिलाए ।
उनले भने,‘मैले माथि भनेकोजस्तो यी दुई मुद्दामा वचनवद्धता दिए, हामी अलमलमा पर्दैनौं, सरकारमा जान्छौं ।’सरकारले झुठा मुद्दा लगाएको भन्ने कुरा कैलालीबाट निर्वाचित आफ्ना नेता रेशम चौधरीले पुष्टि गसिकेको पनि उनले जिकिर गरे । ‘त्यसैले अबको सरकारले झुठा मुद्दा फिर्ता गर्नुपर्छ, धेरै कामहरु यसअघिका सरकारले गरिसकेको छ, अब आउने सरकारले निर्णय गरे हुन्छ–कर्णले थपे ।
’उनले एमाले अध्यक्ष केपी शर्मा ओली पनि यही देशको पार्टीका नेता भएकोले उनीप्रति आफूहरुको कुनै बहिरभाव वा तुष नरहेको स्पष्ट पारे । उनले भने,‘हामी कसैलाई साथ वा कसैलाई बाईकट भन्दापनि ईस्युमा केन्द्रित छौं।’ त्यस्तै उनले २ नम्बर प्रदेशमा मधेशवादी दलको सरकार बन्ने पनि बताए ।
नयाँपत्रिकाबाट
