खोटाङ/ खोटाङको रुपाकोट मझुवागढी नगरपालिका-१ बस्ने भिम बहादुर बिश्वकर्माको घरमा शनिबार आगलागी भएको छ।
बेलुका ९ बजेतिर विधुत सर्ट भइ अचानक लागेको आगोले उनको ढुङगा माटोले बनेको २ तले घर, लत्ताकपडा, अन्नपात, भाडावर्तन तथा सम्पूर्ण सामान समेत जल्दा अन्दाजी ३० लाख बराबरको क्षति भएको बताइएको छ। आगलागी स्थानियबासी र प्रहरीको सहयोगमा नियन्त्रणमा लिएको जिल्ला प्रहरी कार्यालय खोटाङले जनाएको छ।