धरान/शिक्षा निकेतन स्कुलका विपन्न विद्यार्थीहरुलाई स्वेटर प्रदान गरिएको छ ।
[caption id="attachment_68121" align="alignnone" width="1024"]
तस्बिरः भाेजराज[/caption]
मेघा बैंक धरान शाखाले सामाजिक उत्तरदायित्व अन्तर्गत ६० विद्यार्थीहरुलाई स्वेटर वितरण गरेको हो । कक्षा १ देखि कक्षा ६ सम्मका विपन्न विद्यार्थीहरुलाई स्वेटर दिइएको विद्यालय व्यवस्थापन समितिका अध्यक्ष रमेश राईले जानकारी दिए ।
स्वेटर पाएका विद्यार्थीहरु खुसीले दंग देखिएका थिए । मेघा बैंकका धरान शाखा प्रमुख बसन्त घिमिरे, स्कुलका प्राचार्य उमेश गुरागाईलगायतले बच्चाहरुलाई स्वेटर वितरण गरेका थिए । साढे १४ हजार मूल्य बराबरको स्वेटर दिइएको बैंकले जनाएको छ ।
त्यस्तै निकेतनका पूर्व विद्यार्थी रञ्जना यादव, किशोर शाक्य, विनोद आचार्य र नम्रता राउतले पनि २८ जना विद्यार्थीहरुलाई स्वेटर वितरण गरेका छन् । कक्षा १ देखि ६ सम्मका विद्यार्थीहरुलाई वितरण गरेको पूर्वविद्यार्थी रञ्जना यादवले जानकारी दिइन् ।
