नायक शुशिल श्रेष्ठ सिनेमा ‘होस्टल रिर्टन्स’ बाट नेपाली सिनेक्षेत्रमा प्रवेश गरेका हुन् । पहिलो सिनेमाबाट नै राम्रो चर्चा कमाएका शुशिललाई काम गर्नको लागि सिनेमाको अभाव भएको छैन्। ‘होस्टल रिर्टन्स’ पछि ‘सायद २’ र ‘कारखाना’मा अभिनय गरेका शुशिल अहिले सिनेमा ‘लभ डायरिज’को छायांकनमा ब्यस्त छन् । म्याजिक अफ लभ भनिएको सिनेमालाई सौरभ चौधरीले निर्देशन गर्दैछन् ।
सहिल खानको सहायक निर्देशनमा बन्ने सिनेमामा संजय लामाको सिनेम्याटोग्राफी रहनेछ । विनोद सापकोटाको लगानीमा निर्माण हुने सिनेमा आगामी २०१८ मा रिलिज गरिनेछ । अर्जुन पोखरेलको संगीत रहेको सिनेमामा कविराज गहतराजको कोरियोग्राफी र मधु बास्तोलाको कथा, संबाद र पटकथा रहेको छ । सिनेमामा शुशिलको साथमा रुबिना थापा, बिश्वजित रिमाल लगायतका कलाकारहरुको मुख्य भुमिकामा छ । सामाजिक संजालमा सक्रिय शुशिलले सिनेमाको छायांकनका रमाईला तस्विरहरु सार्वजनिक गरिरहेका हुन्छन् । साथै उनले सिनेमाको लागि आफ्नो आकर्षक तस्विरहरु सार्वजनिक गरेका छन् ।
