नायक अनमोल केसी स्टारर सिनेमा ‘कृ’ शुक्रबारबाट प्रदर्शनमा आएको थियो । प्रदर्शनमाले देशैभरी उत्कृष्ठ ब्यापार गरिरहेको छ । पहिलो र दोश्रो दिन सिनेमाले एकदमै राम्रो ब्यापार गरेको छ भने तेश्रो दिन पनि हलमा दर्शकहरुको उत्तिकै भिड लागिरहेको छ । नायिका अदिती बुढाथोकीले सिनेमा ‘कृ’मार्फत पहिलो पटक सिनेक्षेत्रमा प्रबेश गरेकी हुन् । यसअघि भारतको मुम्बईमा बस्दै आएकी अदिती त्यहाँका मिडियाहरुको आँखामा पनि पर्दै आएकी छिन् ।
सिनेमा प्रदर्शनको क्रममा बिभिन्न मिडियाहरुसँगको अन्तर्वार्ताको क्रममा अनमोल र अदितीको नयाँ नयाँ कुराहरुको बारेमा दर्शकहरुले जान्ने मौका पाईरहेका छन् । यस्तै क्रममा एक मिडियासँगको कुराकानीमा ‘कृ’ नायिका अदिती बुढाथोकीले सिनेमा ‘प्रेम गीत’ र ‘म यस्तो गीत गाउँछु’ मार्फत चर्चामा आएकी नायिका पुजा शर्मालाई नचिनेको बताएकी छिन् । प्रियंका कार्की, साम्राज्ञी राज्यलक्ष्मी शाह, करिश्मा मानन्धर, रेखा थापा, नम्रता श्रेष्ठको बारेमा सोध्दा राम्रोसँग बताएकी अदितीले पुजा शर्माको बारेमा सोध्दा भने आफुलाई थाहा नभएको खुलासा गरेकी छिन् । सुरेन्द्र पौडेल निर्देशित सिनेमामा अनमोल केसीलाई दुई अवतारमा देखाईएको ।
सिनेमामा अनमोल एक्सनको साथमा लवर ब्वाईको रुपमा पनि देखिने छन् । सुवास इंटरटेनमेन्ट र काजल फिल्म्सको संयुक्त ब्यानरमा बनेको सिनेमाको निर्माता सुवास गिरी र अनमोल पिता भुवन केसी हुन् । सिनेमामा अनमोलको जोडीको रुपमा अदिती बुढाथोकी छिन् भने अन्य कलाकारहरुमा अनुपबिक्रम शाही, कामेश्वर चौरासिया रहेका छन् । सिनेमामा प्रदीप भारद्धाज र आशिष रेग्मीको संबाद तथा पटकथा रहेको छ ।
