पानवारी । तास खेलीरहेको अवस्थामा धरान–१२ बाट ८ जना जुवाडे पक्राउ परेका छन् । धरान–१२ स्थित अर्जुन कटुवालको घरमा जुवातास खेलीरहेको अवस्थामा इलाका प्रहरी कार्याल धरानका डिएसपी रामेश्वर पौडेलको नेतृत्वमा रहेको प्रहरी टोलीले सोमबार पक्राउ गरेको हो । जुवाडेको साथबाट नगद रु ६० हजार सहित ३ बुङ तास समेत बरामद गरेको छ । पक्राउ पर्नेमा घरधनी धरान–१२ कि सविता कटुवाल, धरान–१७ का सागर राई, धरान–१५ का शिवकुमार श्रेष्ठ, धरान–१२ का सुरेश शाह, धरान–१६ का रुद्रप्रसाद धमला, उदयपुर बेलका नगरपालिका वडा नं. ५ का केशव खड्का, इटहरी–१६ का टंकप्रसाद न्यौपाने र खेमप्रसाद न्यौपाने रहेका छन् । उनीहरुलाई विशेष सुचनाका आधारमा पक्राउ गरिएको इलाका प्रहरी कार्यालय धरानका डिएसपी रामेश्वर पौडेलले जनाएका छन् ।