शनिश्चरे । मोरङको पथरीशनिश्चरे ३ का पूर्व सुरक्षाकर्मी रणबहादुर लिम्बूको जंगलमा रहस्यमय रुपमा शव फेला परेको छ ।
भारतीय सेनाका सेवा निवृत्त ६१ वर्षीय लिम्वूको शव सोमवार विहान पथरीशनिश्चरे १० स्थित श्रीजंघा धार्मिक वन क्षेत्रमा फेला परेको पथरी प्रहरीले जनाएको छ । आइतवार दिउँसो घरबाट हिडेका लिम्बू श्रीजंघा धार्मिक वनको टहराभित्र मृत अवस्थामा देखेपछि गाउँलेहरुले प्रहरीलाई खवर गरेको पथरी प्रहरी प्रमुख विजय श्रेष्ठले बताए । घटनाबारे हाल त्यस्तो केही नखुलेको उनले जनाए ।
परिवारले लिम्बूको साथमा केही पैसा र औंलामा सुनको औंठी भएको र मृतक लिम्बूसँग ती कुरा फेला नपरेको परिवारले जनाएको छ । लिम्वूको शवलाई उर्लावारीस्थित मंगलवारेमा पोष्टमार्टमा गरिएको छ ।
