पाँचथर । पर्यटकीयस्थल फिदिम नपा–६, लब्रेकुटिमा लिम्बू चलचित्र (स्क्रिफ्ट) लेखन सम्बन्धि तीन दिने कार्यशाला आइबार सम्पन्न भएको छ । लिम्बू चलचित्र निर्माणलाई सिद्धान्तपरक र बिशिष्ठिकरण गर्दै लैजान सहयोग पुगोस भन्ने उदेस्यले कार्यशालाको आयोजना गरिएको आयोजक लिम्बू चलचित्रकर्मी संघले जनाएको छ ।
कार्यशालामा राजधानी सहित पूर्वका विभिन्न जिल्लाका २० जना लिम्बू चलचित्रकर्मीहरुको सहभागिता रहेको आयोजक संस्थाका उपाध्यक्ष रवि शेर्माले बताए । कार्यशालामा लिम्बू चलचित्र लेखनका लागि बिषयवस्तुको छनौंट साथै स्क्रिफ्ट लेखनका विविध पक्षबारे अनुप सुवेदीले सहजीकरण गरेका थिए । तीन दिनसम्म चलेको कार्यशालामा सहभागिहरुलाई समूहमा बिभाजन गरी स्क्रिफ्ट लेखनको अभ्यास समेत गराइएको थियो । समापन समारोहमा बोल्दै सहजकर्ता सुवेदीले कार्यशालाको सिकाई र अभ्यासले आगामी दिनमा स्थरीय लिम्बू चलचित्र निर्माण हुने आसा ब्यक्त गरे ।
उक्त कार्यशाला नेपाल चलचित्र बिकास बोर्ड अन्तर्गत आदिबासी जनजाति मातृभाषि चलचित्र प्रबद्र्धन समितिको सहयोगमा सम्पन्न भएको आयोजक लिम्बू चलचित्रकर्मी संघका केन्द्रीय सदस्य सागर केरुङले बताए ।
