भद्रपुर । झापाको बुधबारेमा टिपरले ठक्करबाट मोटरसाइकल चालकको घटनास्थलमा ज्यान गएको छ । बुद्धशान्ति गाउपालिका ३ खेदी स्थित मेची राजमार्गमा इलामबाट झापा आउदै गरेको मे७प ४१८२ नम्बरको मोटरसाइकल लाई सोही दिशा बाट आएको बा १ क ६५८१ नम्बरको टिपरले ठक्कर दिदा बुद्धशान्ति गाउपालिका ४ का २४ बर्षिय लक्ष्मण खतिवडाको घटनास्थलमा मृत्यु भएको जिल्ला प्रहरी कार्यालय झापाले जनाएको छ । मोटरसाइकल पछाडि बस्ने २५ बर्षिय साहिर शेर्मा लिम्बू गम्भिर घाइते भइ बिर्तामोड स्थित बि एण्ड सि अस्पतालमा उपचार भइरहेको जिल्ला ट्राफिक कार्यालय बिर्तामोडले जनाएको छ ।
