ताप्लेजुङ/ताप्लेजुङको आठराई त्रिवेणी गाउँपालिका वडा नं १ निगुरादिनमा ७० वर्षिय वृद्धाको शव फेला परेको छ । असार २१ गतेबाट बेपत्ता स्थानिय धनमायाँ लिम्बू सोमबार नेम्मेङ खोलामा मृत अवस्थामा फेला परेको जिल्ला प्रहरी कार्यालय ताप्लेजुङले जनाएको छ ।
२१ गते स्थानिय सोम थलङको घरमा गई मदिरा लिएर घर तर्फ फर्किएको र सोहि दिनदेखि उनी वेपत्ता रहेको बताईएको छ । मृतक महिला घरमा एक्लै बस्ने गरेको बुझिएको छ । सोमबार उनको ज्वाइ ससुराली घरमा जादा शासुलाई नदेखे पछि खोजतलास गर्ने क्रममा महिला मृत अवस्थामा फेला परेको थियो । घटनाको विषयमा थप अनुसन्धान भैरहेको प्रहरीको भनाई छ ।
