ताप्लेजुङ/ ताप्लेजुङको आठराई त्रिवेणी गाउँपालिका वडा नं १ निगुरादिनमा ७० वर्षिय वृद्धाको शव फेला परेको छ । असार २१ गतेबाट बेपत्ता स्थानीय धनमाया लिम्बू सोमबार नेम्मेङ खोलामा मृत अवस्थामा फेला परेको जिल्ला प्रहरी कार्यालय ताप्लेजुङले जनाएको छ । २१ गते स्थानीय सोम थलङको घरबाट मदिरा लिएर फर्किएको र सोही दिनदेखि उनी बेपत्ता रहेको बताइएको छ । मृतक महिला घरमा एक्लै बस्ने गरेको बुझिएको छ । सोमबार उनका ज्वाइँ ससुराली जाँदा सासुलाई नदेखेपछि खोजतलास गर्ने क्रममा महिलालाई मृत अवस्थामा फेला पारिएको थियो । घटनाको विषयमा थप अनुसन्धान भइरहेको प्रहरीको भनाइ छ ।