पाँचथर । जिल्लाको फालेलुङ गाउँपालिका–६, बरभञ्ज्याङमा शनिबार अपरान्ह भएको जीप दुर्घटनामा परी फालेलुङ–६, का वडा अध्यक्ष सुजाता राई सहित चार जना गम्भिर घाइते भएका छन् ।
दुर्घटनामा घाइते हुनेमा वडा अध्यक्ष राई सहित उनका श्रीमान सुनिल वान्तावा, सोही वडाका दीपक राई र पहिचान खुल्न नसकेका जीप चालक रहेको प्रहरीले जनाएको छ । दुर्घटनामा परी अन्य दुई जना सामान्य घाइते भएका छन् । घाइते सबैलाई सदरमुकाम फिदिम तर्फ ल्याइदै गरेको जनाइएको छ । दुर्घटनाको कारण हालसम्म खुल्न नसकेको प्रहरीको भनाई छ ।
