भद्रपुर । मोटरसाइकलको ठक्करबाट एक बालकको आइतबार दिउँसो मृत्यु भएको छ । मृत्यु हुनेमा बिर्तामोड नगरपालिका ७ का ७ बर्षीय अभिषेक श्रेष्ठ रहेको प्रहरी कार्यालय झापाले जनाएको छ । भद्रपुरबाट बिर्तामोड तर्फ जादै गरेको स ३ प २७९६ नम्बरको मोटरसाइकलले बिर्तामोड ८ स्थित स्कुल डाँडा छेउमा सडक काटर्दै गरेका बालकलाई ठक्कर दिएको थियो । ठक्करबाट गम्भिर घाइते भएका श्रेष्ठको उपचारको क्रममा भद्रपुरस्थित ओम साई पाथिभरा हस्पिटलमा मृत्यु भएको डिएसपी जितेन्द्र कुमार बस्नेतले जानकारी दिए । मोटरसाइकल सहित चालक बिर्तामोड ४ का दीपेश गणेशलाई प्रहरीले नियन्त्रणमा लिएको छ ।
