बिर्तामोड । साहित्य चौतारी झापाले १९ औं वार्षिक उत्सव मनाएको छ । बार्षिकोत्सवका अवसरमा एकजना पत्रकार सहित साहित्यकार तथा फोटोग्राफरलाई पुरस्कृत एवं सम्मान गरिएको थियो ।
सम्मानित हुनेहरुमा साहित्य चौतारी संगीत सम्मानबाट अग्रज लोक गायक अनिरुद्र ओली, स्व. भीम बहादुर, स्व. पञ्च कुमारी श्रेष्ठ स्मृति साहित्य चौतारी प्रतिभा पुरस्कारबाट प्रसिद्ध गायक पदम बहादुर कन्दङ्वा, स्व. डिकमान बिरही स्मृति पत्रकारिता सम्मान पुरस्कार पत्रकार गञ्ज बहादुर दाहाल, स्व. जे वी आले स्मृति फोटोग्राफी सम्मान तथा पुरस्कार शंकर प्रसाईं रहेका छन् ।
कार्यक्रमको प्रारम्भमा कार्यक्रमको औचित्य माथि चौतारीका संस्थापक संरक्षक देवीभक्त श्रेष्ठले प्रकाश पारेका थिए । साहित्य चौतारीका अध्यक्ष टङ्क विकल्पको अध्यक्षतामा भएको कार्यक्रममा स्वागत मन्तव्य संगीत संयोजक कृष्ण योञ्जनले र सञ्चालन सचिव दिलीप घिमिरे र खगिन्द्रा खुसीले गरेका थिए । कार्यक्रममा प्रमुख अतिथि, विशेष अतिथि, निर्णायक समितिका सदस्यहरु, भारतको सिलीगुडीबाट आएका स्रष्टाहरुलाई मायाको चिनो प्रदान गरिएको थियो भने गायन प्रतियोगिताका सहभागी तथा सहभागी संगीत विद्यालयलाई प्रमाण पत्र प्रदान गरिएको थियो ।
