भद्रपुर । बञ्चरो प्रहार गरी पतिले पत्नीको हत्या गरेका छन् । झापाको मेचीनगर नगरपालिका–११ मेचे टोलका राजिव मेचेले आफ्नै पत्नी मनिषाको टाउँकोमा बञ्चरोले हिर्काई हत्या गरेको इलाका प्रहरी कार्यालय धुलाबारीले जनाएको छ । घरायसी विबादका कारण सोमबार राति हत्या भएको भए पनि मङ्गलबार विहान १० बजे प्रहरीमा जानकारी आएको धुराबारीका सई भवानी नेपालीले जानकारी दिए । फरार राजिवको खोजीकार्य जारी रहेको छ भने घटनाका विषयमा थप अनुसन्धान भइरहेको प्रहरीले जनाएको छ ।