बेलबारी । मोरङको विराटचोकमा टिभीएस मोटरसाईकलको नयाँ शो रुमको बिहीबार उद्घाटन भएको छ ।
सुन्दरहरैंचा नगरपालिकाका मेयर शिव ढकालले शो रुमको उद्घाटन गरेका हुन् । जगदम्बा मोटर्सले बजारमा ल्याएको बिभिन्न मोडलका बाईकहरु शो रुममा राखिएको छ ।
कार्यक्रममा जगदम्बाका उपाध्यक्ष दीपककुमार अग्रवाल, धरान ईटहरी शो रुमका प्रवन्धक लगायतको उपस्थिति रहेको थियो । विराटचोकमा टिभीएस लगायत अरु बिभिन्न कम्पनीका मोटरसाईकल तथा कारहरुको शो रुम रहेको छ ।
त्यसैगरी ग्रामथान गाउपालिका स्थित नेताचोकमा पनि यमाहा मोटरसाईकलको नयाँ शो रुम बिहीबार नै उद्घाटन भएको छ । ग्राहकहरुको आवश्यक्तालाई ध्यानमा राख्दै यमाहाले एक्सचेन्जको समेत अफर राखेको छ । ग्रामथान गाउँपालिकाका उपप्रमुख फुलकुमारी चौधरीले संचालक दिलीप खवासलाई साँचो हस्तान्तरण गरि शो रुमको उद्घाटन गरेका थिए । कार्यक्रममा यमाहाका बजार व्यवस्थापक रबिन श्रेष्ठ, प्राविधिक अमित झा, अनन्त नेपाल र युवराज यादवको पनि उपस्थिति रहेको थियो ।
