बेलबारी । मोरङको विराटचोकमा टिभीएस मोटरसाइकलको नयाँ शो रुमको बिहीबार उद्घाटन भएको छ ।
सुन्दरहरैंचा नगरपालिकाका मेयर शिव ढकालले शो रुमको उद्घाटन गरेका हुन् । जगदम्बा मोटर्सले बजारमा ल्याएको विभिन्न मोडलका बाइकहरू शो रुममा राखिएको छ । उद्घाटनमा जगदम्बाका सह–उपाध्यक्ष दीपककुमार अग्रवाल, धरान इटहरी शो रुमका प्रबन्धक लगायतको उपस्थिति रहेको थियो । विराटचोकमा टिभीएसलगायत अरु विभिन्न कम्पनीका मोटरसाइकल तथा कारहरूको शो रुम रहेको छ ।
त्यसैगरी ग्रामथान गाउँपालिकास्थित नेताचोकमा पनि यमाहा मोटरसाइकलको नयाँ शो रुम बिहीबार नै उद्घाटन भएको छ । ग्राहकको आवश्यक्तालाई ध्यानमा राख्दै यमाहाले एक्सचेन्जको समेत अफर राखेको छ । ग्रामथान गाउँपालिकाका उपप्रमुख फूलकुमारी चौधरीले सञ्चालक दिलिप खवासलाई साँचो हस्तान्तरण गरी शो रुमको उद्घाटन गरेकी थिइन् । उद्घाटनमा यमाहाका बजार व्यवस्थापक रविन श्रेष्ठ, प्राविधिक अमित झा, अनन्त नेपाल र युवराज यादवको पनि उपस्थिति रहेको थियो ।
