विराटनगर । ‘राजेश्वर रेग्मी साहित्य पुरस्कार’ बाट ब्लाष्टकर्मी भूपेन्द्र तिम्सिना पुरस्कृत भएका छन् ।
विराटनगरबाट प्रकाशित हुने उद्घोष दैनिकको १४ औं वार्षिकोत्सवका अवसरमा तिम्सिना पुरस्कृत भएका हुन् । तिम्सिनलाई १ नम्बर प्रदेश प्रमुख प्रा.डा. गोविन्दबहादुर तुम्बाहाङ, उद्घोषका सम्पादक मोहन भण्डारी र राजेश्वर रेग्मी पुरकारका संरक्षक नन्दराज रेग्मीले सम्मानपत्र र दोसल्लासहित ११ हजार नगदले तिम्सिना पुरस्कृत भए ।
गजलकार राजेश्वर रेग्मीको स्मृतिका उनका परिवारले स्थापना गरेको पुरस्कार गजल क्षेत्रमा विशेष योगदान दिनेहरूलाई प्रदान गरिँदै आएको छ । २ दशक अघिदेखि पत्रकारितामा सक्रिय तिम्सिना विगत २५ वर्षदेखि साहित्यको गजल र कविता विधासँगै अभिनय कलाकारितामा पनि सक्रिय छन् । सोही अवसरमा कान्तिपुर दैनिकका सम्पादक नारायण वाग्लेलाई नगद ५१ हजार १ सय ११ रुपैयाँको केशवराज–सूर्यराज दहाल स्मृति पत्रकारिता पुरस्कार प्रदान गरियो । विराटनगर–२ निवासी समाजसेवी उनका दाजु स्वर्गीय केशवराज र कमलराजको स्मृतिमा कोषखडा गरी पुरस्कारको शुरुवात गरेका हुन् ।
