काठमाडौं । बिमस्टेक सम्मेलनमा सहभागी हुन अाउने भारतीय प्रधानमन्त्रीकाे सुरक्षाकाे लागी भारतीय सेना काठमाडाै अाइपुगेका छन् । भारतीय प्रधामन्त्री नरेन्द्र मोदी आउनुअघि नै सो काठमाडाैकाे सुरक्षा अवस्थाबारे भारतीय सरकारलार्इ जानकारी गराउनेछ । मोदीसहित बिमस्टेक राष्ट्रका राष्ट्र प्रमुखको सुरक्षा नेपालले गर्ने भए पनि मोदीको ‘क्लोज प्रोटेक्सन’ सुरक्षाका १३ सदस्यीय टोली काठमाडौं आएको हो।
भारतीय प्रधानमन्त्री मोदी नेपाल आउँदा प्रयोग गर्नको लागि भारतीय वायुसेनाको विमानबाट शनिबार दिउँसो ३ वटा गाडीसहित १३ जनाको टोली नेपाल आइपुगेको सुरक्षा स्रोतले जानकारी दिएको छ। स्रोतका अनुसार सो सुरक्षा टोलीले नेपालको सुरक्षाकर्मीहरुसँग समन्यव सुरु गरिसकेको छ।
मोदीसँगै कति सदस्यीय सुरक्षाकर्मी आउँछन् भन्ने बारेमा भने अहिलेसम्म नेपाल सरकारलाई जानकारी दिइएको छैन। ‘सामान्य प्रक्रिया हो सुरक्षा समन्वयका लागि मात्रै आएका हुन्। सबै पाहुनाको सुरक्षा जिम्मेवारी आयोजक राष्ट्रकै भएकाले उनीहरूको भूमिका समन्वयकारी मात्रै हुनेछ,’ सुरक्षा स्रोतले भन्यो। बिमस्टेकको सम्मेलन आगामी भदौ १४ र १५ गते काठमाडौंमा हुन लागेको छ। भदौ १२ बाट सो सम्मेलनका लागि पाहुना आउने कार्यक्रम छ।
