पाँचथर । पाँचथरको तुम्बेवा– ३ स्थित पसलटारमा २७ वर्षीय छोरी दिव्यरानी माङ्लाकले आफ्नै ५२ वर्षीय बुवा ओकिलबहादुर माङ्लाकलाई छुरा प्रहार गरी हत्या गरेकी छन् ।
भदौ १३ गते राति १०ः३० बजे घरमा अन्य परिवार नभएको मौका छोपी छुरा प्रहार गरेको स्थानीयले थाहाँ पाएपछि प्रहरीलाई खबर गरेका थिए । घटनाको बारेमा थाहाँ पाउँनासाथ इलाका प्रहरी कार्यालय मौवाबाट खटिएको प्रहरी टोलीले छुरा प्रहार गर्ने छोरीलाई नियन्त्रणमा लिएको थियो । छुरा प्रहारबाट गम्भीर घाइते भएका बुवा ओकिलबहादुर माङ्लाकलाई उपचारका लागि सवारी अभावका कारण ढिलो गरी भदौ १४ गते बिहान घोपा क्याम्प लैजाने क्रममा बाटैमा मृत्यु भएको थियो ।
छुरा प्रहार गर्ने छोरीलाई नियन्त्रणमा लिई थप अनुुसन्धानको लागि जिल्ला प्रहरी कार्यालय पाँचथरमा बुझाइएको इलाका प्रहरी कार्यालय मौवाका सई भीम थेबेले बताए । हत्या के कारणले भएको हो अनुसन्धानबाटमात्र थाहा हुने प्रहरीले जनाएको छ ।
