विराटनगर/मोरङका छुट्टाछुट्टै स्थानमा भएको दुर्घटनामा दुई जनाको ज्यान गएको छ भने ६ जना घाइते भएका छन् ।
विराटनगरमा मङ्गलबार भएको सडक दुर्घटनामा रङ्गेली नगरपालिका–७ की आशु अग्रवालको मृत्यु भएको हो । सोही मोटरसाइकलमा सवार मनोज अग्रवाल र अनिशा अग्रवाल घाइते भएका छन् । उनीहरूको सप्तकोशी नर्सिङ होममा उपचार भइरहेको छ । एनआर ५५ एल १४१९ नम्बरको भारतीय ट्रकले को. ५ प ३२०० नम्बरको मोटरसाइकललाई ठक्कर दिँदा सो दुर्घटना भएको हो । ट्रक र चालक भारत अलीगढका कमल सिंहलाई प्रहरीले नियन्त्रणमा लिएको जिल्ला ट्राफिक प्रहरी कार्यालय मोरङका प्रमुख शिव पोखरेलले जानकारी दिए । त्यस्तै मोरङको कानेपोखरी गाउँपालिका–७ कानेपोखरीमा सवारी दुर्घटनामा धरान–१ की ललिता अग्रवालको मृत्यु भएको छ । पूर्व– पश्चिम राजमार्गमा बा. १९ च ६१२२ नम्बरको कार अन्यन्त्रित भई सडकमा पल्टिँदा चालकसहित अन्य ४ जना घाइते भएको प्रहरीले जनाएको छ । कार चालक चितवनका अनिल अग्रवाल, धरानका विश्वनाथ अग्रवाल, गीता अग्रवाल र बरुण अग्रवाल घाइते भएको प्रहरीले जनाएको छ ।
उनीहरूको विराटनगरस्थित न्युरो हस्पिटलमा उपचार भइरहेको छ ।
