ब्लाष्टखबर । अटोमेटिक पेस्तोलसहित जिल्ला प्रहरी कार्यालय, दाङले एक जनालार्इ पक्राउ गरेकाे छ । पक्राउ पर्नेमा दाङको घोराही–१३, बडहाराका २७ वर्षीय वीरबहादुर चौधरी छन् ।
विशेष सूचनाको आधारमा खटिएको विशेष प्रहरी टोलीले घोराही –१५, बाट उनलार्इ पक्राउ गरेको दाङका प्रहरीले जनाएकाे छ ।
प्रहरीका अनुसार चौधरीले पाइन्टको बेल्टमा पेस्तोल लुकाइराखेको अवस्थामा उनलाई पक्राउ गरिएको हो ।
चौधरीकाे साथबाट एटोमेटिक पेस्तोल मेड इन यूएसए लेखएिको ६.६५ क्यालिभरको पेस्तोल, म्यागजिन र गोली ४ राउण्ड बरामद भएको छ ।
