विराटनगर/ विराटनगरस्थित दिल्ली पब्लिक स्कुलले स्पोर्टस मिट र चित्रकला प्रदर्शनीको आयोजना गरेको छ । स्कुल परिसरमा शनिबार एक कार्यक्रमका बीच स्पोर्टस् मिट र चित्रकला प्रशर्दनी सम्पन्न गरेको हो ।
स्पोर्टस् मिटमा दौड, ज्याबलिङ थ्रो, मार्च पासलगायतका खेलहरू रहेका थिए । त्यस्तै विद्यार्थीहरूले विभिन्न प्रकारका चित्रकला समेत बनाएर प्रदर्शनमा राखेको स्कुलका मार्केटिङ प्रमुख रवि गुप्ताले जानकारी दिए ।
विद्यार्थीमा भएको प्रतिभा उजागर गर्ने उद्देश्यले आयोजना गरेको सो कार्यक्रममा नर्सरीदेखि कक्षा–१२ सम्मका ७ सय विद्यार्थीले बनाएको सामग्री प्रदर्शन गरेको स्कुलले जनाएको छ ।
कार्यक्रमको उद्घाटन गर्दै स्कुलका निर्देशक प्रकाश मन्दडाले विद्यार्थीहरूको अन्तरनिहीत दक्षताको प्रष्फुटन गर्न यस्ता कार्यक्रमले अहम् भूमिका निर्वाह गर्ने बताए । उनले आगामी दिनमा समेत यस्ता कार्यक्रमलाई निरन्तरता दिने बताए ।
