धरान/ धरान-४ स्थित बसन्तटारमा अवस्थित शिक्षा ज्योति आधारभूत विद्यालयको २३ औ वार्षिक उत्सव तथा अभिभावक दिवस गत पौष २७ गते सम्पन्न भएको छ ।
विद्यालय व्यवस्थापन समितिका अध्यक्ष हरि राईको सभापतित्वमा भएको कार्यक्रममा विद्यालयका संस्थापक पञ्चबहादुर कुलुङ राई बिना राई सम्मान गरिएको थियो । लियो लायन्स क्लब धरान बुढासुब्बाका अध्यक्ष सुशन निरौला लायन्स क्लब धरान बुढासुब्बाका अध्यक्ष शान्ति श्रेष्ठ, निशानदेवी आधारभूत विद्यालयका प्रअ लोकराज निरौला, धनश्याम थापा लगायत अतिथि रहेका थिए ।
सो अवसरमा लायन्स क्लब धरान बुढासुब्बाले विद्यालयका विद्यार्थीहरुलाई शैक्षिक सामाग्री हाम्रो जुत्ता घर धरानले न्यानो टोपी वितरण गरेका थिए । केन्द्रिय प्रविधि क्याम्पस हात्तिसार समूहले अभिभावक र विद्यार्थीहरुलाई पौष्टिक आहार विहार सरसफाई सम्बन्धी अभिमुखीकरण पनि गराएको थियो ।
विद्यालयको प्रअ मेनुका सापकोटा विद्यालयको कार्यक्रमबारे प्रकाश पारेकी थिइन् रमेश राईले स्वागत मन्तब्य व्यक्त गरेका थिए । कार्यक्रमको सञ्चालन शिक्षक कृष्णमाया घलेले गरेकी थिइन् ।
