बेलबारी / मोरङको सुन्दरहरैंचा स्थित सिद्धार्थ ईंलिश स्कूलमा सिङगिङ र डान्सिङ आईडल कार्यक्रम आईतबार सम्पन्न भएको छ । विद्यालयको २४ औं वार्षिक उत्सव तथा सरस्वती पुजाको अवशरमा उक्त कार्यक्रमको आयोजना गरिएको हो ।
विद्यालयमा अध्ययनरत विद्यार्थीहरुको गायन र नृत्यकलाको विकास र प्रोत्साहनका लागि उक्त कार्यक्रम गरिएको विद्यालयका प्रिन्सिपल अर्जुन बस्नेतले बताए । विद्यालयमा अध्ययनरत विद्याथीहरुलाई जुनियर र सिनीयर दुईवटा समुहमा विभाजन गरेर प्रतियोगिताको आयोजना गरिएको हो ।
त्यसैगरी कार्यक्रममा विद्यालयका विद्यार्थीहरुले नाटक प्रस्तुत् गरेका थिए । विद्यालयमा स्थानीय गाविन्द श्रेष्ठले स्थापना गरेको अक्षयकोषको पुरस्कार उत्कृष्ट विद्यार्थीहरुलाई प्रदान गरिएको थियो । कार्यक्रमका प्रमुख अतिथि तथा सांसद यशोधा अधिकारीले पुरस्कार तथा प्रमाणपत्र वितरण गरेका थिए ।
