धरान/ धरानको यूएन कलेजले बिएचएम प्रथम सेमेस्टरकी छात्रा रितु राई प्रदेश १ मा उत्कृष्ट बन्न सफल बनेको जनाएको छ ।
उत्कृष्ट बनेकी राईसहित उत्तीर्ण सबैलाई कलेजले सम्मानित गरेको छ । त्रिभुवन विश्वविद्यालयले सञ्चालन गरेको परीक्षामा राईले बिएचएम सङ्कायमा ३ दशमलव ६९ जिपिए ल्याउन सफल भएकी थिइन् । प्रदेश १ मै प्रथम स्थान हासिल गरेको युएन कलेजका प्रमुख डम्बरकुमार तुम्बापोले जानकारी दिए ।
कार्यक्रममा युएन कलेजका सञ्चालन समितिका अध्यक्ष ज्ञानेश्वर झा, होटल म्यानेजमेन्टका संयोजक गगनमान श्रेष्ठ र कलेज प्रमुख तुम्बापोले विद्यार्थीहरूलाई सम्मानित गरेका थिए । गत वर्षहरूमा पनि युएनका प्लस २ का विद्यार्थी र बिबिएसका विद्यार्थीहरू प्रदेशमा प्रथम बन्न सफल भएका थिए ।
