इटहरीमा बर्सेनी ठूला आगलागी बिग्रिएर थन्किएका छन् उपमहानगरका २ दमकल

alt
  • मंसिर २३, २०७६
  • ४९३ पटक पढिएको
  • धनबहादुर पुरी

– २०७२ माघ २१ गते इटहरी चौकमै रहेको रामबहादुर लिम्बूको घरमा रहेको न्यू भेराइटी फेन्सीमा आगलागी भयो । १ करोड ९० लाखभन्दा माथि क्षति भएको थियो । १ करोडको इन्सुरेन्समा ७ लाख मात्र पाएको सञ्चालक श्याम भण्डारी बताउँछन् ।

– एक वर्षअगाडि इटहरी चौक विराटनगरलाइनमा रहेको इन्द्र फेन्सीमा ठूलो आगलागी भयो । फेन्सीको सञ्चालक इन्द्रबहादुर कार्कीको करोडभन्दा माथि क्षति भयो ।

– एक वर्षअगाडि नै धरान लाइनमा रहेको सप्तकोशी इलोक्ट्रोनिक्समा आगलागी भयो । नेत्र भट्टराईले सञ्चालन गरेको पसलमा टिभी तथा फ्रिजहरू जलेर नष्ट भए । भट्टराईको पसलसँगै घर पनि जलेर खरानी भयो ।

इटहरी/ इटहरीको मुख्य चौकमा शनिबार मध्यरातमा इटहरीको मुख्य चौकमा रहेको सूर्य कम्प्लेक्समा भीषण आगलागी भयो । राति १ बजे बिग बार रेष्टुरेण्टबाट शुरु भएको आगलागीबाट करिब ४ करोडको क्षति भएको अनुमान गरिएको छ । पूर्व नेपाल प्रहरीका एसपी नरेन्द्र उप्रेतीको घरको चौथो तल्लामा आगलागी भएको हो ।

विद्युत् सट भएर आगलागी भएको बिग बारका सञ्चालक किरण बुढाथोकीले ४ करोडको क्षति भएको बताए । आफ्नो बारसँगै कम्प्लेक्समा समेत क्षति पुगेको बुढाथोकीले बताए । विद्युत् सट भएर आगलागी भएको उनी बताउँछन् । बार पूर्ण रूपमा क्षति पुगेको कारण समस्यामा परेको बुढाथोकीले बताए ।

बिग बारबाट आगोको मुस्लो देखिएपछि स्थानीय, नेपाल प्रहरी, नेपाली सेना र दमकलको सहयोगमा आगो निभाएको थियो । चौथो तलामाथि लागेको आगो निभाउन दमकल र सुरक्षाकर्मीलाई मुस्किल भएको बताइएको छ । इटहरी, धरान, इनरुवा, दमक सप्तरी, विराटनगर, दुहबी, महेन्द्रनगर र सुन्दरहरैंचालगायतका ९ वटा दमकल आएको इलाका प्रहरी कार्यालय इटहरीका डिएसपी धर्मराज भण्डारीले बताए ।

बिग बार रेष्टुरेण्टबाट आगो सल्किएको इलाका प्रहरी कार्यालय इटहरीले जनाएको छ । आगलागी भएको साढे ३ घण्टापछि नियन्त्रणमा आएको इलाका प्रहरी कार्यालय इटहरीले जनाएको छ । आगो नियन्त्रणका लागि इलाका प्रहरी कार्यालय इटहरीबाट ३५ जना, १ नम्बर प्रदेश ट्राफिक प्रहरी कार्यालयबाट १० जना ट्राफिक, जिल्ला प्रहरी कार्यालय सुनसरीबाट ७ जना, पूर्वी पृतना हेडक्वार्टरबाट ३६ जना, गुल्म सशस्त्र प्रहरी बल राजश्व ढाटबाट ३० जना र दङ्गा नियन्त्रण दुहबीबाट ४० जना गरी १ सय ५८ जना सुरक्षाकर्मी खटिएको प्रहरीले जनाएको छ ।

यसरी बर्सेनी आगलागीको घटना बढे पनि इटहरी उपमहानगरपालिकाको दमकल चुस्त–दुरुस्त नभएको भन्दै आलोचना भएको छ । आगलागी भएको स्थानमा इटहरी उपमहानगरपालिकाको दमकलले पानी फाल्न नसकेको स्थानीयले बताए । पाइप फुटेको कारण चार तलामाथि पानी फ्याँक्न नसकेको कारण अन्य ठाउँबाट आएका दमकलको सहायता लिनु परेको थियो ।

२ वटा बिग्रिएर थन्किए
हावाहुरीको यो मौसममा आगलागीका घटना दैनिक बढेका छन् । यो बेला आगोले बर्सेनी करोडौंको धनमाल क्षति हुने गरेको छ । कतिपयको ज्यानैसमेत जाने गरेको छ । आगो लागेमा नियन्त्रणका लागि सरोकारवाला निकाय तयार र उपकरण दुरुस्त हुनुपर्नेमा त्यस्तो अवस्था भने छैन ।

‘दमकल आउला र निभाउला’ भन्दै स्थानीयस्तरमा नियन्त्रणको प्रयास नहुने हो भने क्षति धेरै हुन्छ । जानकारी प्राप्त हुनासाथ घटनास्थल पुगिहाल्नुपर्ने वारुणयन्त्र (दमकल) को अवस्था नाजुक हुँदा छिटो सेवा दिन सकिरहेका छैनन् ।

इटहरी उमहानगरपालिकामा रहेका २ वटा दमकलमध्ये यतिबेला एउटा मात्र चालू अवस्थामा छ । बिग्रिएको नयाँ दमकल उपमहानगरपालिकाको मेची–काली पोखरीभन्दा पूर्वतर्फ पुराना सवारी साधन राखेको ठाउँमा ६ महिनादेखि राखिएको छ । मर्मतको पर्खाइमा बसेको दमकल नयाँ भए पनि पुराना सामान राख्ने ग्यारेजमा थन्किएको छ ।

यता इटहरी उपमहानगरपालिकाका जिन्सी शाखा प्रमुख राजेन्द्र धिमालले २ वटा दमकल बिग्रिएर थन्किएको बताए । पुरानो दमकल भएको कारण खर्चिलो भएको कारण मर्मत नगरिएको बताए । उनले इटहरी उपमहानगरपालिकामा एक मात्र दमकल रहेको उनी बताउँछन । चल्दै आएको दमकल पनि पाइप फुटेको छ रे नि ? भन्ने जिज्ञासामा उनले सानातिना कुरा त भइहाल्छ भन्दै गैरजिम्मेवार उत्तर दिए ।

सरकारी जागिर छोडेर ...

इटहरी/ सरकारी जागिर छाडेर ढाका व्यवसायमा भन्दा आश्चर्यम ...

सरस्वतीका मूर्ति तया ...

सिरहा/ सिरहामा सरस्वती पूजाका लागि मूर्ति तयारी गर्नमा ...

शिक्षाको हकबाट बञ्चि ...

नेपालको संविधान २०७२को मौलिक हक अन्तर्गत धारा ३१मा शिक् ...

नर्सिङको महत्व ...

नर्सिङको इतिहास नेपालमा खासै पुरानो भने छैन तर अहिलेको ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved