सडक मर्मत नगरेको भन्दै दुलारीमा प्रदर्शन

alt
  • मंसिर २३, २०७६
  • २०६ पटक पढिएको
  • ब्लाष्ट खबर

इटहरी/ पूर्व–पश्चिम राजमार्गका खाल्डाखुल्डी नपुरेको भन्दै सुन्दरहरैंचाबासी आन्दोलित बनेका छन् ।

सडक मर्मत नगरेको आक्रोसमा सुन्दरहरैंचा–४ र ५ का स्थानीयबासी आन्दोलित बनेका हुन् । बाँसबारी चौकमा लामो समयदेखि पूर्व–पश्चिम राजमार्ग भत्किएको छ । भत्किएको राजमार्गका कारण धुलोका साथै सानातिना दुर्घटना बारम्बार हुने गरेको स्थानीय दीपेश श्रेष्ठले बताए । सडक डिभिजन कार्यालय विराटनगरलाई बारम्बार ध्यानाकर्षण गराएको उनको भनाइ छ ।

दुई वर्षअघि आएको बाढीले बिगारेको सडक हालसम्म पनि मर्मत हुन नसकेको स्थानीय तेजबहादुर पुरीले बताए । राजमार्गमा दैनिक हजारौंको सङ्ख्यामा सवारी साधन गुड्ने सडकको झण्डै पाँचसय मिटर सडक–खण्ड बिग्रिएको छ ।

स्थानीयको दबावका कारण केही महिना सडक डिभिजन कार्यालय विराटनगरले पानी हाले पनि अहिले त्यो पनि बन्द गरेकाले स्थानीय आक्रोसित बनेको स्थानीय हर्कनारायण देवकोटाले बताए । स्थानीयले दैनिक बाटो अवरुद्ध पार्ने चेतावनीसमेत दिएका छन् । उनका अनुसार पहिलो दिन १५ मिनेट अवरुद्ध गर्नुका साथै दोस्रो दिनबाट बढाउँदै लाने स्थानीयले बताएका छन् ।

यता इटहरी उपमहानगरपालिका क्षेत्रका हाई–वे सडक पनि मर्मत नहुँदा समस्या भएको बताउँदै इटहरी उपमहानरपालिकाले पनि सडक मर्मत गर्न सडक डिभिजन कार्यालयलाई ध्यानाकर्षण गराएको छ । सडक निर्माणमा खेलाँची भइरहेको भन्दै इटहरीका उपमेयर लक्ष्मी गौतमले डिभिजन कार्यालयलाई पत्र पठाई ध्यानाकर्षण गराएको बताइन् ।

सरकारी जागिर छोडेर ...

इटहरी/ सरकारी जागिर छाडेर ढाका व्यवसायमा भन्दा आश्चर्यम ...

सरस्वतीका मूर्ति तया ...

सिरहा/ सिरहामा सरस्वती पूजाका लागि मूर्ति तयारी गर्नमा ...

शिक्षाको हकबाट बञ्चि ...

नेपालको संविधान २०७२को मौलिक हक अन्तर्गत धारा ३१मा शिक् ...

नर्सिङको महत्व ...

नर्सिङको इतिहास नेपालमा खासै पुरानो भने छैन तर अहिलेको ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved