विराटनगर । मोरङको कानेपोखरी गाउँपालिका – ६ मूलगाउँस्थित सरस्वती प्राथामिक विद्यालयलाई लायन्स क्लब अफ विराटनगर सिटीले स्टेशनरी र खेलकुदको सामाग्री वितरण गरेको छ । क्लबले बुधबार एक कार्यक्रमको बिच स्कूलका विद्यार्थीहरूको लागि उक्त सामाग्री प्रदान गरेको हो ।
लायन्स क्बल अफ इन्टरनेश्नल डिस्ट्रिक ३२५ ए–वानका पूर्व डिस्टिक गर्भनर लिला ढुङ्गगेल, लायन्स क्बल अफ विराटनगर सिटीका अध्यक्ष घनश्याम पोखरेल, क्लबका उपाध्यक्ष रमेश कार्कीले संयुक्त रूपमा स्कूलका शिक्षक विनोद सुब्बा र स्कूलका भूतपूर्व विद्यार्थी संघका अध्यक्ष खगेन्द्र बराईलीलाई स्टेशनरी सामाग्री हस्तान्तरण गरेका हुन् । क्बलले स्कूललाई २ सय थान कपी र प्यानसिल, क्यारेमबोर्ड, लुडो, चेस, फुटबललगायतको विभिन्न समाग्री प्रदान गरेको हो । २०४४ सालमा स्थापना भएको सरस्वती स्कूलको गुणस्तर सुधार र भौतिक पूर्वाधार स्तरउन्नी गर्न भूतपुर्व विद्यार्थीहरू लागि परेपछि अहिले सहयोग जुटन थालेको छ ।
विभिन्न र जेहन्दार विद्यार्थीहरू अध्ययन गर्ने सरस्वती स्कुलका विद्यार्थीहरूलाई सामाजिक कार्य अनुरूपमा स्टेशनरी र खेलकुदको सामाग्री वितरण गरिएको अध्यक्ष पोखरेलले बताए । उनले आफ्नो कार्यकालमा यसरीनै सामाजिक कार्य गर्दै अगाडी बढेको बताए । यस अघि पनि यो क्बलले थुप्रै सामाजिक कार्यक्रमहरू गर्दै आएको छ । ग्रामिण बस्तीदेखि सहरसम्म सामाजिक कार्यहरू गर्दै आएको हो । सामाजिक कार्यमा अगाडी बढेकोले लकडाउनको समयमा पनि सामाजिक कामलाई निरन्तरता दिएको क्बलका अध्यक्ष पोखरेलको भनाई छ ।
